Umupolisi yagiye gutabara abarohamye barengewe n'umwuzure uramuhita agenda agiye
Umwe mu bapolisi bari boherejwe ngo bajye gutabara abagore batatu n'umwana bari bari batembanywe n'umuvu w'amazi menshi yaturutse ku mvura nyinshi yaguye ku cyumweru tariki ya 24 Werurwe 2024, yitabye Imana nyuma yaho nawe atembanwe nuwo muvu w'amazi.
Itsinda ry'ababpolisi bashinzwe gutabara, ryohereje abapolisi batatu ngo bajye gutabara abadamu batatu n'umwana umwe bari batwawe n'umuvu waturutse ku mvura nyishi yaguye ku cyumweru, maze muri uko gutabara umwe mu bapolisi witwa David Chasire, aza kwitaba Imana nyuma yaho urutindo yifashishaga ngo atabare abo bari barengewe n'umuvu rwahise narwo rurengerwa maze amazi ahita amuhitana.
Aya makuru yemeje n'umuyobozi wa Polisi mu gace ka Nairobi witwa Adamson Bungei, wavuze ko igikorwa cyo gushakisha umurambo w'uwo mupolisi cyatangiye ku cyumweru umurambo uza kuboneka ku wambere.
Nyuma yaho uwo mupolisi atembanwe n'amazi, hahise hoherezwa irindi tsinda ngo rishakishe uwo mupolisi kugeza ubwo umurambo we wabonekaga.
Muri Kenya hakomejwe kuvugwa imvura nyinshi ikomeje kugwa ndetse ikaba imaze kwangiza ibitari bike harimo nabahitanwe niyo mvura.
