Polisi i Nyakach, mu Ntara ya Kisumu,muri Kenya, iri gukora iperereza ku byabaye aho basanze umugore yapfiriye mu nzu ye hanyuma umukunzi we yicwa n’agatsiko k’abantu bari barakaye.
Raporo y’abapolisi yabonywe na Citizen Digital dukesha iyi nkuru ivuga ko Brigid Amondi Ochieng, umwarimu w’imyaka 35 wo ku ishuri ryisumbuye rya Obwolo, yabonetse yapfuye ahitwa Oboch ku wa mbere.
Umukunzi we, Job Osogo Otieno, babanaga mu nzu, nyuma yakubiswe bikomeye n’agatsiko k’abaturanyi mbere yo kujyanwa mu bitaro bya Nyabondo Mission Hospital.
Nyuma yimuriwe mu bitaro bya Jaramogi Odinga Oginga Teaching and Referral Hospital (JOOTRH) ari naho yapfiriye ku gicamunsi cyo ku wa kabiri ari mu ishami rishinzwe kuvura indembe (ICU).
Imirambo y’abo bantu bombi bapfuye yajyanwe mu buruhikiro.
Ntabwo havuzwe niba uyu mugabo yaba yagize uruhare mu rupfu rw’uyu mugore
T. David
I am responsible for this article, not the BIGEZWEHO TV website. Please contact me if you need more information about it : +250 784 525 501
