RDC: Arkipiyeskopi wa Kinshasa agiye gukorwaho iperereza ashinjwa guca intege abasirikare ku rugamba
RDC: Arkipiyeskopi wa Kinshasa agiye gukorwaho iperereza ashinjwa guca intege abasirikare ku rugamba
Ubushinjacya bwa Repubulika Iharanira Demokarasi ya Congo (RDC) bwatangaje ko bugiye gutangiza iperereza kuri Arkipiyeskopi wa Kinshasa, Cardinal Fridolin Ambongo, ushinjwa gutangaza amagambo agamije guca intege abasirikare ku rugamba.
Bibaye nyuma y’iminsi Cardinal Ambongo avuga imbwirwaruhame ziremereye, zigaragaza ko ubutegetsi bwa Perezida Felix Tshisekedi bwananiwe mu nzego zose, bigaha urwaho abatavuga rumwe na Leta barimo n’umutwe wa M23.
Ku munsi wa Pasika ya 2024, Ambongo yavuze ko Congo imeze nk’umurwayi uri muri koma, usigaje iminsi mike agahuhuka.
Ntabwo byashimishije ubutegetsi kuko ababushyigikiye batangiye kumwibasira mu itangazamakuru no ku mbuga nkoranyambaga.
Ubushinjacyaha bwa Congo bwatangaje ko bugiye gutangiza iperereza kuri Ambongo kuko bwamuhamagaje akanga kwitaba.
Mubyo azakorwaho iperereza harimo gukwirakwiza ibihuha ngo “bigamije guca intege ingabo za Congo ziri ku rugamba”.
Cardinal Ambongo agiye gukorwaho iperereza ashinjwa guca intege ingabo
H. Rene Maurice
I am responsible for this article, not the BIGEZWEHO TV website. Please contact me if you need more information about it : +250 783348461
