Polisi irahigisha uruhindu umugabo wakase ubugabo mugenzi we kubera amadeni yaramurimo
Biravugwa ko umugabo ukomoka mu gace ka Kisii mu gihugu cya Kenya, arwariye mu bitaro nyuma yo gucibwa ubugabo n’abantu yari abereyemo umwenda w’amashilingi 1800.
Hari tariki 17 Mata 2024, ubwo abo yari afitiye umwenda bamusagariraga bakamukata igitsina. Amakuru avuga ko uyu mugabo afite imyaka 42. Amazina ye yagizwe ibanga ku buryo bukomeye, nk’uko Nairobi News dukesha iyi nkuru yabyanditse.
Urwego rw’umutekano aho muri Kenya rwatangaje ko uyu mugabo yabanje gufatwa n’umwe mu bagore yari abereyemo ideni, bakamukata ku bugabo bwe. Ibi aba bagore babiri babikoze bafatanyije n’abandi bagabo batatu, nyuma baje no kumukomeretsa ahagana ku musaya.
Abaturage nibo bahise bamwirukankana bamugeza mu bitaro bya Gesonso biherereye muri Kisii, aho akomeje kwitabwaho. Abaganga batangaje ko agomba kujyanwa mu bindi bitaro kugira ngo abone ubuvuzi bwisumbuyeho. Ni mu gihe polisi yo igikomeje ibikorwa byo gushakisha abakekwaho guhohotera uwari ababereyemo ideni.
