Abanyeshuri barenga 280 bo muri Nigeria bari barashimuswe mu mujyi wa Kuriga uherereye mu majyaruguru y’iburengerazuba, bararekuwe "nta nkomyi" nk’uko byatangajwe n’abayobozi.
Guverineri wa Leta ya Kaduna, Uba Sani, ntabwo yatanze ibisobanuro birambuye ku irekurwa ryabo, hasigaye iminsi mike ngo igihe ntarengwa cyo gutanga ingurane yasabwe na ba rushimusi kirangire.
Ku itariki ya 7 Werurwe, abana bafite imyaka umunani kugeza kuri 15, n’umwarimu umwe, bashimuswe n’abantu bitwaje intwaro.
Agatsiko k’abashimusi kazwi ku izina ry’amabandi, kamaze gushimuta abantu ibihumbi mu myaka ishize, cyane cyane mu majyaruguru y’uburengerazuba.
Icyakora, habaye igabanuka ry’ishimutwa rusange ry’abana mu mwaka ushize kugeza muri iki cyumweru nk’uko iyi nkuru dukesha BBC ivuga.
Abashimuswe ubusanzwe barekurwa nyuma yo gutanga ingurane.
Kuri iyi nshuro, abashimuse bari basabye $ 690.000 (£ 548.000). Ariko Guverinoma, yari yavuze ko itazatanga ingurane.
Mu ijambo rye, Guverineri Sani yashimye Perezida wa Nigeria, Bola Tinubu "kuba yarakoze ibishoboka ngo abanyeshuri ba Kuriga bashimuswe barekurwe nta nkomyi".
