Minisitiri Nyamutoro Phiona akaba n'umugore wa Eddy Kenzo yarashwe urufaya rw'amasasu kuri we Imana ikinga ukuboko
Minisitiri Nyamutoro Phiona akaba n'umugore wa Eddy Kenzo yarashwe urufaya rw'amasasu kuri we Imana ikinga ukuboko
Abashinzwe umutekano wo ku kirombe gicukurwaho amabuye y’agaciro mu buryo butemewe n’amategeko mu karere ka Kisoro muri Uganda bari bivuganye minisitiri Nyamutoro Phiona,ubwo yari mu bugenzuzi bw’ubucukuzi butemewe bw’amabuye y’agaciro,Imana ikinga akaboko.
Iri raswa ryabereye ahitwa Kisoro mu gitondo cyo kuri uyu 20 Kamena 2024 ubwo Nyamutoro yari yerekejeyo mu kazi ke gasanzwe.
Ubwo yahingukaga ahasanzwe hacukurirwa amabuye y’agaciro mu buryo bunyuranyije n’amategeko, abashinzwe umutekano waho bahamagaye umuyobozi w’icyo kirombe ategeka ko babarasaho.
Ku bw’amahirwe abarashe nta muntu bakomerekeje ahubwo bahise batabwa muri yombi ndetse bamburwa imbunda na Polisi y’Igihugu ya Uganda.
Nyamutoro yumvikanye mu mashusho yanyujijwe ku mbuga nkoranyambaga yatangajwe n’ibyamubayeho yibaza ukuntu umuyobozi w’ikirombe bari bagiyeho yatinyutse gutanga amabwiriza yo kubarasaho.
Uyu mugore yahise asaba Polisi ko yata muri yombi umuyobozi w’iki kirombe watanze amabwiriza yo kubarasaho.
Uyu munyapolitike usanzwe ari umukunzi w’umuhanzi Eddy Kenzo yanenzwe ko asa n’ukina mu bikomeye. Ngo umukino wa politiki aracyakeka ko ari gicuti.
