Polisi y’Umujyi wa Londres yatangaje ko uwatewen ibyuma ari kwa muganga ameze neza n’iperereza kuri icyo gikorwa rikaba riri gukorwa n’ishami rishinzwe kurwanya iterabwoba.

Umuyobozi w’iryo shami, Dominic Murphy yavuze ko abapolisi bakomeje gushakisha icyaba cyihishe inyuma y’icyo gitero, ndetse bikaba byahawe iri shami rishinzwe kurwanya iterabwoba bishingiye ku kuba uwatewe ari umunyamakuru wa televiziyo y’Abanya-Iran ikorera mu Bwongereza.

Ibyo byiyongera ku kuba hari ibimenyetso bigaragaza ko mu bihe bitandukanye abanyamakuru bagenzi ba Zeraati baragiye baterwa ubwoba, ndetse mu majyepfo ya Londres n’ibindi bice hakaba haragiye hoherezwa abashinzwe kurwanya iterabwoba.

Mu mezi 18 ashize, televiziyo ya Iran International yari iyoboye mu gutangaza amakuru agendanye n’imyigaragambyo y’abarwanyaga guverinoma muri Iran.

Mu Ugushyingo 2022, abanyamakuru babiri b’iyo Televiziyo baburiwe na polisi ko bashobora kugabwaho igitero, ndetse hafi y’aho iyo televiziyo ikorera hashyizwe abapolisi bafite intwaro na za barrières.

Umunyamakuru Pouria Zeraati yateraguwe ibyuma n'abataramenyekana