Umuryango wita ku bana, Save The Children, wagaragaje ko kuva intambara yo muri Gaza yatangira, buri munsi abana barenga 10 bacibwa akaguru kamwe cyangwa yombi, biturutse ku bikomere baba batewe n’ibisasu.
Save The Children ivuga iyi mibare ari impuzandego y’abana bose baciwe amaguru kuva ku wa 7 Ukwakira mu 2023, nyuma y’uko Israel itangiye kugaba ibitero byo kwihorera ku mutwe wa Hamas.
Amakuru dukesha CNN agaragaza ko benshi muri aba bana bacibwa amaguru, bikorwa nta kinya kubera serivisi z’ubuvuzi zasubiye inyuma muri Gaza.
Umuyobozi wa Save The Children i Gaza, Jason Lee, yavuze ko “ububabare abana bari guterwa n’iyi ntambara burenze imitekerereze ya muntu, yemeza ko kwica abana ari icyaha ndengakamere ku buryo ababikora bakwiriye kubiryozwa.”
Kuva intambara yo muri Gaza yatangira imaze kugwamo abarenga ibihumbi 20, mu gihe abandi batangira ingano bavuye mu byabo.
Buri munota abana barenga 10 b’i Gaza bacika amaguru
