English
Kinyarwanda
Abasirikare 9 ba FARDC bafunzwe bacyekwaho kugurisha impuzankano imitwe yitwaje intwaro
Abasirikare b’ingabo za Repubulika Iharanira Demokarasi ya Congo mu ntara ya Ituri bafunzwe bakurikiranyweho kunyereza umutungo w’igihugu no kugurisha impuzankano za gisirikare imitwe yitwaje intwaro.
Ubushinjacyaha Bukuru mu Rukiko rwa Gisirikare bwatangaje ko bukomeje iperereza ry’ubucamanza kuri aba basirikare icyenda ba FARDC bashinjwa gukorana n’iyi mitwe yitwaje intwaro mu ntara ya Ituri.
Muri aba bapolisi harimo umuyobozi w’akarere ka 32 ka gisirikare, umuyobozi ushinzwe ibikoresho mu rwego rw’ibikorwa bya FARDC n’umwungirije ukorera mu mutwe wa 1301 ufite icyicaro i Djugu.
Ubutabera bwa gisirikare burabakurikirana nyuma y’uko kandi bagaragaweho gukoresha impapuro mpimbano , bagaragaza ko zavuye ku buyobozi bwo hejuru nyamara ataribyo .Bamwe mu basirikare baregwa bafungiwe muri Bunia.
Nk’uko byatangajwe n’umuvugizi w’ingabo muri Ituri, Lieutenant Jules Ngongo, ngo iki gikorwa cy’amategeko kirega abasirikari bakuru, kiri mu rwego rwo kubungabunga indangagaciro za FARDC.
Liyetona Jules Ngongo yongeyeho ko ubutabera bwa gisirikare bukomeje iperereza hagamijwe gutahura abantu base bashobora kuba bari muri aka gakundi bataramenyekana.
