Abarimo Jeneral wa FDLR, Lt Col Willy Ngoma n'abandi batandatu bafatiwe ibihano bikakaye na Loni
Abarimo Jeneral wa FDLR, Lt Col Willy Ngoma n'abandi batandatu bafatiwe ibihano bikakaye na Loni
Akanama k’umutekano ka Loni ku wa Kabiri kafatiye ibihano abantu batandatu, nyuma yo kubashinja kugira uruhare mu bikorwa bihungananya umutekano mu burasirazuba bwa Repubulika Iharanira Demokarasi ya Congo.
Abafatiwe ibihano nk’uko VOA yabitangaje barimo ’Jenerali’ wo mu mutwe wa FDLR urwanya ubutegetsi bw’u Rwanda, abayobozi bakuru bo mu mutwe wa ADF urwanya ubutegetsi bwa Uganda, umuvugizi wa gisirikare w’umutwe wa M23 (Lt Col Willy Ngoma), umuyobozi w’umutwe wa Mai-Mai ndetse n’umusirikare mukuru uri mu bayoboye umutwe wa Twirwaneho.
Ambasaderi wungirije wa Leta Zunze Ubumwe za Amerika muri Loni, Robert Wood, yavuze ko bariya bahanwe "bagize uruhare mu bikorwa bitandukanye bibi", mbere yo gusaba ko ibihano bafatiwe bihita bishyirwa mu bikorwa.
T. David
I am responsible for this article, not the BIGEZWEHO TV website. Please contact me if you need more information about it : +250 784 525 501
